Marianna Winter (FO)
Marianna Winter er eitt av teimum heilt spennandi nøvnunum í føroyskum tónleiki. Sangarinnan skrivar fangandi poppløg við modernaðari nostalgi, sjálvstilvitaðum humori og sálargranskandi tekstum, sum fanga tíðarandan og umskapa hann til nútímans tónlist. Tað eru sjáldsamir eginleikar, ið tala beinleiðis til ungdómin og óbeinleiðis til tey tilkomnu.
Sjálv hevur hon familjubond bæði eystur og vestur til Japan og California, og tónleikurin er líka altjóðaligur og samansettur sum hennara upphav, sum samspælir meistarliga við nordiska sorgblídni í føroysku fólkasálini.
Hon er júst nú aktuel við nýggju stakløgunum, “Cruising”, “People Pleaser” og “Consequences” hvørs tónleikasjónband spruttar við blóð og sjarmu.
Eftir eina framførslu í Onglandi, á altjóða viðurkenda showcase festivalinum, The Great Escape, ger hon seg nú klára til aðrar líknandi framførslur, bæði her í Føroyum og úti í heimi (meira enn tað kann hon ikki kunngera enn).
Hendan lo-fi drotningin, er Z-ættarliðið, hon sparkar reyv, og hon er komin fyri at verða: Marianna Winter.
Síggj sjónbandalagið til “Consequences” her: https://www.youtube.com/watch?v=2p15DHMsVVs
Marianna Winter (sang)
Ragnar Finsson (gittar)
Árni Jóhannesson (bass)
Kristian Pauli Ellefsen (ljómborð)
Hjørtur Háberg Pætursson (trummur)