ISCM World New Music Days: Flytifólk (UK/DE/DK/UK)
Felagið Føroysk Tónaskøld verður vertur av ISCM World New Music Days, sum verður í Føroum 22. til 30. juni 2024.
Á festivalinum fara vit at hoyra konsertir frá bæði føroyskum og norðurlendskum tónleikarum, solistum sum bólkum.
Verkini, ið verða framførd á festivalinum eru bæði nýggjur og nýskapandi, og eru skrivaði av limum í altjóða tónleikafelagskapinum, ISCM.
Flytifólk er bólkur við 4 tónleikarum, sum allir eru fluttir til Føroya úr ávikavist Bretlandi, Týsklandi og Danmark. Tey spæla tónleik, sum eyðkennir tónleikaran á ferð, so sum Klezmer tónleik úr Eystuevropa, brúðleypstónleik úr Balkan og løg hjá flakkandi Romanskum sigoynarum. Hesin tónleikurin dregur fram í ljósið, hvussu mentanir hava møtst og ávirkað hvørja aðra, langt áðrenn modernaða alheimsgerðin mentist.
Á konsertini hoyra vit eisini nýggj løg, sum limir í bólkinum hava skrivað.
Daniel Rye (klarinett)
Anna Hüdepohl (akkordeon)
Torleik Mortensen (kontrabass)
James Goodwin (slagverk)