GØ (FO)
15. August - 21:00
Bólkurin GØ bleiv stovnaður í 2015 av fýra ungum tónleikarum, ið vóru troyttir av at spæla pent og rætt. Í dag eru hesir nakrir av mest umbidnu tónleikarunum í Føroyum, og teir halda enn fast í tí somu rebelsku tilgongdini, tá teir skriva og spæla tónleik; alt er lov í GØ. Meðan ljóðmyndin, ið GØ skapar, leitar sær aftur til 60’ini og 70’ini, so bera kompositiónirnar brá av film noir, spaghetti western, jazzi og rokki. Eitt er í hvussu so er sikkurt, og tað er at GØ bjóðar lurtaranum við inn í teirra serstaka tónleikaheim við fangandi kompositiónum, stuttligum improvisatiónum og skeivum tónum.
Ólavur Eyðunsson Gaard (gittar)
Kristian Pauli Ellefsen (tangentar)
Árni Jóhannesson (bass)
Hjørtur Háberg (trummur)
Sjúrður Zachariasson (saksofon)